قوة عليكم و رحمة الله و بركاته
مستشفى زين \ مركز سالم العلي للسمع و النطق
طبعا صارلي قرون طويلة ما دشيت المدونة ولا دونة شي و لا حتى تعليق على المدونات الثانية لأسباب صحية ((حرجة))
ابدأ معاناتي مع خطأ طبي بالأذن الداخلية المسؤولة على الاتزان و كان هالخطأ بفضل مستشفى ((زين)) او سابقا ((الاتصالات)) احدثوا فيني عاهة مستديمة بعد ما كان عندي التهاب خفيف بالاذن و صار الحين عصب + قوقعة الاذن الاثنين ميتين بلا علاج بسبب خطأ طبي بسنة 2006 و انا اعاني من دوار و عدم توازن و نة شديدة بالاذن و انخفاض السمع بالاذن اليسرى و بعد هالجم سنة اللي عانيت فيهم حولوني على مركز سالم العلي للنطق و السمع لمراجعة مستمرة و حطولي دكتور للأسف اقوله يمين يروح يسار من جهل الدكتور تسبب في تجمع الضغط عند المخيخ و الدماغ و خلف طبلة الاذن و صرف لي دواء عبارة عن
Betaserc 16mg
ثلاث مرات باليوم مع الوجبات يعني بحدود 5 ساعات و صارلي فوق الاسبوعين الدوار يصيبني و حالات اغماء و بعد كل هالتعب قلت ماكو غير فلوسي تعالجني رحت حق مستشفى المواساه اللي ما يعرف بالسالمية و طبعا تدرون على قد حالتي رحت عند الطب العام و فحصوني و طلعوا كل عيب فيني و لمن قلت لهم عن الدواء و صرف الدكتور لي و كل خمس ساعات كان رد الدكتور بالحرف الواحد "منو هالجحش اللي يصرف لك دواء قوي يقتل المعدة المفروض هالدوا مره كل 12 ساعة" و كانت الصدمة كالصاعقة !
و نصحني الدكتور بمراجعة دكاترة الاعصاب و الاذن بالمواساة لعلاجي التام
المشكلة الثانية
مستشفى البحر للعيون ((مستشفى الصباح))
طبعا محد ما يعرف هالمستشفى من سمعته القوية و الكبيرة و لكن الفجر و بالضبط قبل ساعتين رحت وديت امي مرة كبيرة بالسن حق مستشفى البحر علشان عينها حمرة و تعورها و خفت عليها لانه فيها سكري و طبعا رحت على طول الحوادث لاستقبالها و اعتبارها حالة مستعجلة او حالة خطرة رحت و طبعا اللي تدمع عينه و الي تعبان و مسكر عيونه الثنتين و طبعا الاستقبال حارس أمن يقطع لك الورقة و الي موجود فراش واحد واقف على الباب و ممرضة منفسة على الاخير و دكتور هندي طبعا من خوفي على امي دشيت جني ثور ادور على احد و طبعا ما اشوف السكيورتي (راهي) يقطع الورقة على كيفه و بعدين دشيت على الممر على طول و ماسك ايد امي ما اشوف الممرضة الجميلة منفسه علي و دار هالحوار
الممرضة : نعم خير فيك ايه عاوز ايه ايوه
أنا : ولي يرحملي والديج شوفيلي امي عينها تعورها و حمرة و ما قادرة تنام
الممرضة : ايه فين دي عينها ما فيهاش حاجة عندك الرقم انتظر بره
أنا رافع راس امي اوريها : بذمتج ما فيها شي و عينها كلها دم !
الممرضة : افف سستر بوت ريلاكسر آي دروب و انطر دور
طبعا ما اقدر اقول شي او ازف او اعلي صوتي فيها 500 دينار او سجن 6 شهور طبعا نطرت و امي ترتجف يمي من العوار و قلبي يعورني عليها مقحط ما عندي فلوس ادخلها خاص و اخيرا بعد ساعة صار رقمنا دشيت على الممرضة و الدكتور و بدوا يفحصون أمي ولا الممرضة الجميلة تعطيني ورقة و قالت لي روح الصيدلية اللي عند الباب و ييب هالادوية و انا اهرول علشان الحق ولا القالكم صيدلاني باكستاني شكله جنه من محلات قطع الغيار اللي بشويخ و هالحوار و الاحداث دارت
انا : السلام عليكم *اعطيه الورقة*
الصيدلاني : اهلين *يقرا جريدة بعدين خذا الورقة و يقرها بتمعن*
بعدين طلع غرشة فيها حبوب و جيس صغير اللي يحطون فيه الحبوب و يطلع من ايده الحبوب و يحط بالجيس و انا انصدمت من الوصاخة و دار الحوار الثاني
أنا : من صجك ؟
الصيدلاني : سنو ؟
أنا : ايدك نظيفة ؟؟
الصيدلاني : ايي ايد نظيف واجد
أنا : توّك تقرا جريدة و مادري شتسوي تقول نظيف ؟
طبعا من الخرعة قط الحبوب و قال خلاص خلاص اطلع لك من يديد و طبعا يعني مرقعها يطيح حبوب من الغرشة لي الغطا و يتحلطم
الصيدلاني : انا سنو سوي هادا ماكينة خراب
انا : خير انشالله
رديت عند الدكتور و الممرضة الجميلة و قلت لهم السالفة و ابي يصرفون اسم الدوا اشتريه من الصيدلية اشرف لي و طبعا يقولون مو متوفر بالكويت غير بصيدلية البحر طبعا دريت مالهم خلق و الدكتور يقول توكل على الله و ما تخافش و طبعا المنظر يصدم الواحد
الحين وصلنا لهدرجة من تردي مستشفياتنا الله يعز الكويت قبل الغزو بفترة النهضة شلون كانت الكل يقوم فيك و كل شي نظيف و الحين مستوى من سيئ الى اسوأ
مستشفى زين \ مركز سالم العلي للسمع و النطق
طبعا صارلي قرون طويلة ما دشيت المدونة ولا دونة شي و لا حتى تعليق على المدونات الثانية لأسباب صحية ((حرجة))
ابدأ معاناتي مع خطأ طبي بالأذن الداخلية المسؤولة على الاتزان و كان هالخطأ بفضل مستشفى ((زين)) او سابقا ((الاتصالات)) احدثوا فيني عاهة مستديمة بعد ما كان عندي التهاب خفيف بالاذن و صار الحين عصب + قوقعة الاذن الاثنين ميتين بلا علاج بسبب خطأ طبي بسنة 2006 و انا اعاني من دوار و عدم توازن و نة شديدة بالاذن و انخفاض السمع بالاذن اليسرى و بعد هالجم سنة اللي عانيت فيهم حولوني على مركز سالم العلي للنطق و السمع لمراجعة مستمرة و حطولي دكتور للأسف اقوله يمين يروح يسار من جهل الدكتور تسبب في تجمع الضغط عند المخيخ و الدماغ و خلف طبلة الاذن و صرف لي دواء عبارة عن
Betaserc 16mg
ثلاث مرات باليوم مع الوجبات يعني بحدود 5 ساعات و صارلي فوق الاسبوعين الدوار يصيبني و حالات اغماء و بعد كل هالتعب قلت ماكو غير فلوسي تعالجني رحت حق مستشفى المواساه اللي ما يعرف بالسالمية و طبعا تدرون على قد حالتي رحت عند الطب العام و فحصوني و طلعوا كل عيب فيني و لمن قلت لهم عن الدواء و صرف الدكتور لي و كل خمس ساعات كان رد الدكتور بالحرف الواحد "منو هالجحش اللي يصرف لك دواء قوي يقتل المعدة المفروض هالدوا مره كل 12 ساعة" و كانت الصدمة كالصاعقة !
و نصحني الدكتور بمراجعة دكاترة الاعصاب و الاذن بالمواساة لعلاجي التام
المشكلة الثانية
مستشفى البحر للعيون ((مستشفى الصباح))
طبعا محد ما يعرف هالمستشفى من سمعته القوية و الكبيرة و لكن الفجر و بالضبط قبل ساعتين رحت وديت امي مرة كبيرة بالسن حق مستشفى البحر علشان عينها حمرة و تعورها و خفت عليها لانه فيها سكري و طبعا رحت على طول الحوادث لاستقبالها و اعتبارها حالة مستعجلة او حالة خطرة رحت و طبعا اللي تدمع عينه و الي تعبان و مسكر عيونه الثنتين و طبعا الاستقبال حارس أمن يقطع لك الورقة و الي موجود فراش واحد واقف على الباب و ممرضة منفسة على الاخير و دكتور هندي طبعا من خوفي على امي دشيت جني ثور ادور على احد و طبعا ما اشوف السكيورتي (راهي) يقطع الورقة على كيفه و بعدين دشيت على الممر على طول و ماسك ايد امي ما اشوف الممرضة الجميلة منفسه علي و دار هالحوار
الممرضة : نعم خير فيك ايه عاوز ايه ايوه
أنا : ولي يرحملي والديج شوفيلي امي عينها تعورها و حمرة و ما قادرة تنام
الممرضة : ايه فين دي عينها ما فيهاش حاجة عندك الرقم انتظر بره
أنا رافع راس امي اوريها : بذمتج ما فيها شي و عينها كلها دم !
الممرضة : افف سستر بوت ريلاكسر آي دروب و انطر دور
طبعا ما اقدر اقول شي او ازف او اعلي صوتي فيها 500 دينار او سجن 6 شهور طبعا نطرت و امي ترتجف يمي من العوار و قلبي يعورني عليها مقحط ما عندي فلوس ادخلها خاص و اخيرا بعد ساعة صار رقمنا دشيت على الممرضة و الدكتور و بدوا يفحصون أمي ولا الممرضة الجميلة تعطيني ورقة و قالت لي روح الصيدلية اللي عند الباب و ييب هالادوية و انا اهرول علشان الحق ولا القالكم صيدلاني باكستاني شكله جنه من محلات قطع الغيار اللي بشويخ و هالحوار و الاحداث دارت
انا : السلام عليكم *اعطيه الورقة*
الصيدلاني : اهلين *يقرا جريدة بعدين خذا الورقة و يقرها بتمعن*
بعدين طلع غرشة فيها حبوب و جيس صغير اللي يحطون فيه الحبوب و يطلع من ايده الحبوب و يحط بالجيس و انا انصدمت من الوصاخة و دار الحوار الثاني
أنا : من صجك ؟
الصيدلاني : سنو ؟
أنا : ايدك نظيفة ؟؟
الصيدلاني : ايي ايد نظيف واجد
أنا : توّك تقرا جريدة و مادري شتسوي تقول نظيف ؟
طبعا من الخرعة قط الحبوب و قال خلاص خلاص اطلع لك من يديد و طبعا يعني مرقعها يطيح حبوب من الغرشة لي الغطا و يتحلطم
الصيدلاني : انا سنو سوي هادا ماكينة خراب
انا : خير انشالله
رديت عند الدكتور و الممرضة الجميلة و قلت لهم السالفة و ابي يصرفون اسم الدوا اشتريه من الصيدلية اشرف لي و طبعا يقولون مو متوفر بالكويت غير بصيدلية البحر طبعا دريت مالهم خلق و الدكتور يقول توكل على الله و ما تخافش و طبعا المنظر يصدم الواحد
الحين وصلنا لهدرجة من تردي مستشفياتنا الله يعز الكويت قبل الغزو بفترة النهضة شلون كانت الكل يقوم فيك و كل شي نظيف و الحين مستوى من سيئ الى اسوأ
Posts
